Лісом, лісом

Звукы звірят

Mon, 26 May 2025 11:55:37 +0000

Ци знате, як одзыват ся серна в лісі? А чули сте даколи сову? Певно подумате, же так, але певністю не чули сте тых звірят так близко, як почуєте в проґрамі.

Будут загадкы, будут цікавинкы і предовшыткым будут барз інтересуючы звукы звірят!

Де якы дерева

Mon, 26 May 2025 11:53:59 +0000

Чом на Заході росне лем сосна, а неє крас буків, як на Лемковині? Ци на Заході повинно ся садити яличкы? Якой землі потрібуют дерева?

О тым, чом на Заході маме переважні лем єден ґатунок, а в горах мішанину дерев, дознате ся в проґрамi.

Ци в лісі можна вшытко

Mon, 26 May 2025 11:50:50 +0000

Ци в лісі можеме палити оген і робити шатро? Што нам горозит, коли віхаме автом до ліса? Ци то правда, же в дакотрых місцях в лісі не мож зберати грибів? Кєд так, то де і што ся стане, як нас хтоси товды зімат?

Як барз стары дерева ся вытинат

Mon, 26 May 2025 11:48:33 +0000

Чом вытинат ся крас, велич дерева? Коли треба вытинати сосны, а коли букы? Ци то нормальне, же лісничы садят лісы, а по 4 роках уж іх вытинают? Як то є з тым вытинаньом дерев в іх найліпшым віку?

На што хворіє ліс

Mon, 26 May 2025 11:47:01 +0000

Мы часом хворієме на ґрипу, болит нас ґарло або хырбет. А на што хворіє ліс? Ци вшыткы грибы, котры сут в лісі, то його приятелі? Ци хробакы можут забити дерево? А кєд так, то як скоро ся тото діє?

Мурянкы

Mon, 26 May 2025 11:44:37 +0000

Кілько маме мурянок на світі? Як великы можут быти мурянчыска? Ци мурянкы жыют лем в тій части, што над земльом? А ци мурянка може забити чловека? Дознате ся тіж, як мурянкы ратуют дерева і помагают чыстити ліс!

Кольоры в лісі

Mon, 26 May 2025 11:41:06 +0000

Чом некотры дерева в лісі сут так ріжні помалюваны? Чом на некотрых сут якісы чысла або буквы?

По што лісничому фарба до малюваня і што ньом малює? А як сут означены ріжны шлякы по лісі і што означают поєдны кольоры?

Лікарства

Mon, 26 May 2025 11:30:28 +0000

В одтинку дознате ся, якы лікарства можна найти в лісі.

Што найліпше назберати сой в літі, жебы зимом ратувало нас од горячкы або кашляня? Ци мож леґальні (згідні з правом) зберати зіля на луках? І так по правді, то де тото робити?

В найновшым одтинку проґраму «Лісом, лісом» дознате ся, якы чуда роснут в лісі і на луках – може і вы мате за свойом хыжом приватну аптыку?

Найстарше дерево в лісі

Mon, 26 May 2025 11:29:17 +0000

Чули сте даколи о соку з березы? Радят, же має дуже вітамін і єст барз здоровый, але ци то правда?

А як ся такій сок поберат і што іщы доброго можна вытягнути з березы? До чого ся може придати нам кора з березы?

Забезпечыня дерев

Mon, 26 May 2025 11:27:50 +0000

Як лісничы забезпечают молоде поколіня дерев, жебы выросло на крас ліс? Ци хоснуют до того даякы хімічны середкы?

По што в лісі фарба або пліт? В якій спосіб мож одвести єленя од того, жебы не іл лісничым молодых яличок? Дознате ся тіж, як лісничы облікают молоды дерева і по што в лісі хоснує ся ґратя гыдравлика…

Рысь

Mon, 26 May 2025 11:26:44 +0000

Ци легко мож найти рыся в лісі? Кадиль ведут іх стежкы? А ци фактичні єст іх так мало, як то радят люде? Ци рысі ідят лем серны? Як на них полюют?

Слухайте «Лісом, лісом», а дознате ся вельох цікавых фактів о рысях. Буде і о тым, в якых лісах мешкают і чом так тяжко єст до них підыйти.

Кліщы

Mon, 26 May 2025 11:25:23 +0000

Як найчастійше люде імают кліщы? Ци найнебезпечнійше є вчас збераня грибів? А може старчыт си сісти на пнячку даґде в лісі?

А што в примірі, кєд уж зімате такого кліща? Як ся го вытігат? Ци єст небезпечный?

Совы

Mon, 26 May 2025 11:23:58 +0000

Бесіда буде про барз таємничого птаха. Символизує він предовшыткым мудріст і спокій.

Як то є, же сова літат без ниякого голосу? І што властиві ідят совы? Як здобывают пожыву? Ци совы были уж на світі, коли панували дінозавры?

Бобры

Mon, 26 May 2025 11:20:26 +0000

Ци знате, хто є в лісі інжынєром, гыдротехніком, архітектром і заразом дереворубом? Буде о бобрах, тых што іщы недавно іх было мало і был то загыбаючый ґатунок. Як радят сой днес? Як будуют тамы і жеремя? Ци бобры сут шкідниками, бо вытинают ліс?

Медведі

Mon, 26 May 2025 11:17:58 +0000

Бесіда о найвекшым драпіжнику, котрый мешкат на нашых теренах.

Дознате ся, што окрем меду люблят істи медведі, ци сут небезпечны і як перед нима втікати. Довідате ся тіж, як долго медведі сплят і кілько іх в Польщу є.

Ци дик єст злый

Mon, 26 May 2025 11:16:58 +0000

Ци дик єст злый? Бо прецін знатя, же єст дикій… Але ци може дакому зробити кривду? А чым ся жывит дик і де го мож стрітити?

Дознате ся, што робити, кєд уж трафите на дика в лісі. Ци вартат втікати на дерево? Буде тіж о тым, в якій спосіб дикы помагают лісничым…

Звірята і зима

Mon, 26 May 2025 11:14:32 +0000

Векшіст з нас певно має свій теплісій кут, де ся може загріти зимовом пором. А што мают зробити звірята?

Дознате ся, як звірята рыхтуют ся до зимы і як собі з ньом радят, кєд настане. Дознате ся, як птахы ховают ідло і як пізнійше го находят. А буде і бесіда про тото, де сплят єлені або медведі.

Ци серна то жена єленя

Mon, 26 May 2025 11:12:19 +0000

В проґрамі буде пояснена раз а порядні квестия жены єленя. Ци є ньом серна?

А ци сут даякы ріжниці медже сернами а єленями? Што серны носят на голові? Што то такє руділь і як розпознати серну, кєд перед нами втіче?

Ци бояти ся волка

Thu, 22 May 2025 06:36:47 +0000

Часто ся радит, што є то єдно з найбарже небезпечных звірят в лісі, же лем жде на даяку жертву і одраз атакує… Ци фактичні так є?

В другым одтинку проґраму «Лісом, лісом» дознате ся, ци треба бояти ся волка в лісі, а тіж кілько такій волк іст і што робити, кєд уж станете око в око з тым драпіжником…

Єлені

Thu, 22 May 2025 06:31:46 +0000

Король ліса, за котрым вшыткы так літают зимом, і тот, што осінньом пором боручыт серед кряків.

В першым одтинку проґраму «Лісом, лісом» дознате ся, як жыют єлені. Як называт ся великє стадо тых звірят, яка є медже нима єрархія. А вкінци – як то ім роснут тоты мітичны рогы і де іх глядати зимовом пором…