Skip to content
EN

Words, identity, emotions

The archive of
Lemko radio

About the culture, people and places of Lemkovyna.
Podcasts, conversations, memories, music.

Посвячыня каплиці в Розстайнах
Ep. 20

Посвячыня каплиці в Розстайнах

•

Episode description

Єдны памятают, же Лемкы добровільні выізджали, же нихто іх не выганял. Інчы оповідают о аґітациі, застрашаню і примусовых выселінях. Ріжнят ся аж і спомины што до того, што ся стало з церквом. Подля єдной реляциі згоріла од перуна. Подля інчой - церков розобрали, дерево спалили, а бляхом хтоси вкрыл дах десяткы кілометрів дале.

Штырнадцетого листопада/новембра 2026 рока в опустошеным селі Розстайны одбыло ся торжественне посвячыня капличкы вознесеной з ініциятивы Михала Хомика, на місци церкви. На подію зъіхали ся Лемкы з Польщы, тіж з Украіны. Серед них 90-літня жена, котра привезла діти, внукы і правнукы, жебы вказати ім рідны стороны.

Днес Розстайны то предовштыкым лукы і лісы. По забудові не остало праві нич. Краєвид, котрый вельох туристів узнає за натуральный і незміненый руком чловека, іщы вісемдесят років тому, был постором жытя парусот осіб.

Ци зарастаня сел означат, што природа одзыскує свою простір? Ци то затераня слідів істориі? І што властиві хорониме, коли бесідуєме о захованю выняткового краєвиду Низкого Бескіду?


Audycję zrealizowano w ramach projektu pn. Horyzont Beskidu Niskiego finansowanego z dotacji Rządowego Programu Fundusz Inicjatyw Obywatelskich NOWEFIO na lata 2021-2030