Archiwum
łemkowskiego radia

Добрий вечер Витам барз сердечні на слуховиску гнеска зас стрітиме ся з авторком Еріком Матоноковом але тым разом не будут доповісти Злачнова але повісти з Остурні вкраджены дзвоны Так называт ся тот цілый цикль а перед нами оповіданя Хмурник запрашам барз сердечні В стародавнім селі під Татрами в глыбокых горах де доднес декотры люди вірят на босоркы або же до них ходят на навіщіву люди схымар і называют ся хмурниками я чула таку пригоду Тоты хмурове вызерают страшні але мают таку силу же можут на себе взяти по добу хоц котрого чоловіка часто прийдут до хыжы і просят істи або ся просят на ніч але люди ся іх боят та даколи іх выганяют Но потім прийде помста огень біда даке нещестя Я кід єм была іщы мале дівча раз єм была сама дома На повідне пришол до нашого двора барз брудний жебрак шматя подерте брудний од болота долга кудлата сива борода Підперал ся великом ґузоватом покрученом кривульов і цілий был самы вреды і храсты Но страх Я ся вера барз перестрашыла Молоды діти зачали плакати кричати але жебрак лем до кухні ся пхал Просил од мене дашто поісти Я повідам же мамка не суть дома а мы самы не маме што істи Але тот страшний чловік не пішол гет пішол напід і ліг собі на сіно одпоцінути Біжала єм по людей до села жебы пришли нам помочі выгнати жебрака з хыжы Але він никого не послухал Теткы го просили жебы пішол собі дале же діти перестрашены про нього плачут боят ся го і буде ся ім в ночі снити Ніч не помагало На обід пришли з поля нашы мамка подоіти корову Были то мудра і ласкава жена Вынесли на піт жебракови хліба і квасного молока потім наварили бандурок помастили іх і придали му горня свіжого молока Як ся наіл просили го жебы пішол собі дальше поперестрашыл вшыткы діти Мужа дома не маме повідали є далеко за роботу а діти ся вас боят Уйку жебрак ся помалы наів повтерал рот до брудного рукава і повіл Же з того мало што маш тым і дала ся наісти каздыньо одтепер ниґда на твоім столі не буде хыбыти ідло ани про тебе ани про твоі діти і зышол помалы спода долов а потім пішол собі горі селом Выстрашены діти позерали з облачка де піз коло каплічкы ся жебрак стратил як бы під землю пропал мамка повідали Діти моі то не был обычайний жебрак але хмурник а добрі сте зробили же сте го напорожньо з двора не выгнали на істо бы ся нам помстил А так ся і стало як хмурник повідал все сме мали на достач ідла на столі І отец од того часу што нас навіщивил тот хмурник нашол добру роботу на єднім ґаздівстві і джыня нам уж ниґда не гыбило Каждий чоловік повідали мамка є повинний розділити ся з тым што мат як ся стрітит з іщы біднійшым од себе Нагнеска то уж вшытко Дякую Вам барз сердечні за увагу До повісти іщы будеме вертати дякую чытала Моніка Цилявска