Archiwum
łemkowskiego radia

Покля ся о літі бісідує як о огурковый сезоні, коли ся нич не діє а новины не мають ани порядні о чім писати, бо і політіци собі беруть вольно, вдяка, як сьме ся в остатніх днях пересвідчіли, гуманітарному помічникові світа Владимірови Путінови, є тото літо аж барз горяче а богате на дії каждый день. А тота горячава захопила і русиньскый світ, головно вдяка тому, же штораз веце видіти цілком антаґоністічны позіції Русинів на Підкарпатю, ліпше повіджене тых, котры ся даякым способом беруть як русиньскы лідеры. А так, як в цілім світі, і міджі Русинами іде о два напрями – тот проевропскый і тот проруськый.