Просто люде ― так вартало бы назвати передачу. Штефан Костяк з Калуша, родиче котрого походят зо Жыдівского і з Явіря. Анастазия Онущак (по мужу ― Михайлів) з Дошниці. Олекса Головатий з Кожушного, староста фестівалю. Владимір Гутник, ведучый сельской рады Зимной Воды. І інчы ― тоты, на кого принагідні трафила кореспондентка радия на фестівали «Гомін Лемківщини» в селі Зимна Вода.
Бесідуєме кус про фестіваль, а тыж споминаме о переселіню Лемків до Радяньского Союза.
