«Ханас з Боднаркы выліз на під і забил німецкого коменданта… А на другій ден на луку выставили вшыткых хлопів, хотіли десяткувати…» «Старий поважний Сруль сіл сой на віз зо свойом женом, поклонил ся на вшыткы стороны людям ― і повезли іх в ґетто…» «Коли был фронт, згоріли корчма і хыжы, а рускы пішли, вытягли паця, зарізали ― і в огни пекли, де сусідска хыжа горіла…» «Тата не пустили домів, заперли в пивници ― чого ся не підписал?!..» «А Перегонина тепер пропала, а там, де мамина хыжа стояла, велика смерека росне…» О войні, выселіню і не лем оповідат Юлия Ольхова, з дому Мысцівска, жытелька села Підліся коло Бучача.