Ц05:Е215
10.11.2024
70% #215 - Юрий Скобель погляд на лемківскы танці з Івано-Франківска, 2 VII 2016
Лемківска культура свойом красом часто притігат люди, котры не мают лемківского походжыня. До них належыт і днешній наш гіст ― хореоґраф, балетмайстер, педаґоґ з Прикарпатского Університету, Юрий Скобель. Завідує студентскым ансамбльом народного танця «Дивоцвіт», но і захотіл ввести до репертуару штоси лемківскє.
Зацікавил ся лемківскым хореоґрафічным фольклором. Вказало ся, што неє в Украіні тілько колективів, што танцуют по лемківскы, ани неє тілько материялу, якій мож схоснувати, окрем, може, єдной книжкы ― «Народні танці українців Карпат» Романа Гарасимчука. Тото не знеохотило Юрка Скобеля, а лем барже піддало охоты, іщы більше зацікавило. А што было дальше ― почуєте в нашій передачы.
При нагоді повіме днес коротко і про Гарасимчука ― автора, може і єдиного в Украіні ґрунтовного дослідника лемківской хореоґрафічной культуры. Бесідуєме по украінскы, але барз просто, без жадных хореоґрафічных термінів ― зато вшытко зрозуміют не лем професийны танечникы…