«Вундеркінд од Санока» - то веселы істориі о жытю в єдным з лемківскых сел, а і гумористичны оповіданкы о трафунках Лемків, котры выіхали до Совітского Союза. Бо правдивyй Лемко все знат вынайти штосо іронічне, ачый саркастичне і там, де інчы будут видіти лем нудны реалиі штоденного жытя.

Але тоты оповіданкы - то спосіб, якій придумал сой Миколай Фучыло, жыючый днес в тернопільскій области, жебы спомянути на рідну бесіду. І… то добрый спосіб! Автор книжкы Миколай Фучыло вродил ся в 1938 році в селі Воля Нижня, при Яслисках, на Східній Лемковині. Днес споминат своє дітиньство, давны жарты, родинны оповіданя, подіі з молодых років - і споминат цілый тот лемківскій світ, а довєдна з тым… рідну бесіду. Што з того вышло? Прошу, послухайте!