Ц05:Е222
70% #222 - Юлия Колдра (з д. Хаць) з Мысцовы (4 част), 10 ІХ 2016
Опис епізоду
Коли была-м маленька, то чомси барз мі ся подабали кольоровы колдры, шыты з маленькых кавальчыків. То было штоси байкове… Уж пізнійше дознала-м ся, же таке чудо зове ся печворк. А іщы пізнійше зачала-м робити в радию Лем.фм, де часом приходит мі «шыти» такы кольоровы колдры в стилю «печворк» зо звуковых кавальчыків.
Днеска така печворкова передача. Три бесіды з Юлийом Колдром (з дому – Хаць) чули сте уж перше, але не вшытко в них прозвучало, а обтятых товды кавальчыків лишыло ся мі дост гідні. З них і вшыта для вас нова передача – покус о вшыткым. Кус про різдвяны традициі, кус про долі Мысцівян, кус о тым, чым ріжныли ся строі в Мысцовій і в Бортным, а тіж, чым ріжнила ся бесіда в Зындрановій, Святковій і Мысцовій.
Пані Юлия Хаць вродила ся в Мысцовій в 1933 році, більшу част свого жытя прожыла в місті Калуш Івано-Франківской Oбласти. Але рідне село все в єй памяти, все пред очыма…
