Oд лівой Андрий Липко, коло него Андрий Ґамбаль, а з правой стороны Владимір Рыбак. Вокальне тріо з Тернополя першyй раз вышло на сцену в 2013 році в телешоу «Х-фактор». Дебют был успішным: «Тріода» в фіналі здобыла друге місце.
Єдна зо співанок, яку они выконували в телешоу то пісня «Ой верше мій, верше…». Выбрали тоту пісню, бо она барз ім ся подабат. А тіж зато, же два Андриі мают лемківскы коріня. Они люблят лемківскы співанкы, але, на жаль, не знают уж по лемківскы бесідувати.
