Святу Вечерю зачынали з яблка. Зрозуміле, чом так было: з яблка вшытко ся зачало, яблком спокусил Єву в раю змый, за яблко неслухнячы першы люде были выгнаны з раю… Потім, жебы не стало ся так, як з Адамом і Євом, брали барз помічный лік, а і міцный одстрашач нечыстой силы - чеснок. А товды уж прібували вшытко, што было зрыхтуване на Велию…

Отец Іван Репела більшу част жытя робил в аптыці, пак был рукоположеный і служыл тайно як священник. Єст парохом в церкви Святой Параскєвы в Івано-Франківску. Священник оповідат о своіх Різдвяных Святах: як то ся святкувало вчас радянской влады потихы, тайно, як першыраз Різдво стало ся явным, леґальным, загальным святом, чым ріжнит ся Різдво на Святій Земли і як ся святкувало оно в родині, в селі Тарновиця, де замешкало дуже Лемків…