Старшы Лемкы ділят своє жытя на дві части: до переселіня і по ним. В респонденткы тот поділ має і особливу примету. Дома она была Гельком Завійском, при выгнаню Олену записали Галином. В Радяньскій Союз вошла уж з новым іменом. Гельком была лем в своій родині. І вшыткы в Бережанах єй знают уж як Галину, по мужу - Мостраньску. Оповіст о своім селі двояко: і як дорослый чловек, і як мале дівча. І в тым все єст особливый чар.
