То сусідкы. Од лівой стороны Орина, од правой – Анна. В каждій з іх родин было семеро діти, коли родиче одважыли ся іхати «до Руска». Орина пята, і Анна тіж пята. Іх лучыт не лем тото. Они дві ся вродили в Лютині, доля іх барз подібна.

Тепер дві ходят лем в гости до рідной Лютины, і все вертают зас гев, де пришли іщы в 1947 році, на Волынь, в село Боратин коло Луцка.

В тым, же родиче захотіли іхати до Радяньского Союза, видят лем великє недорозуміня. Чом?