Вельо лемківскых співанок оповідат про любов парібка ци дівкы, яка лишыла ся лем в душы. Бо в реальным жытю часто было призначено жыти з другым чловеком, часто цілком чужым. Чловеком, якого выбрали для свойой дітины родиче. А то уж была льотерия. Міг ся трафити прекрасный чловек, а міг і паскудный. А єднак тот льотерийный білет, якій вам дали, не мали сте права замінити. О тым бесідуєме з Тыличанком Марийом Варґом (по мужу Тарасєвич). А тіж о тым, што зробила коза на ярмаку, якы были колиси аліменты і кадыль летіл селом голый Васко…
