Іван Ференц зо Золочова оповідат о рідным Липівци так, гейбы видит вшытко пред собом. І уж хоц лем зато його оповід барз цінна. Бо змаліли славны Яслиска, з міста ся зробили селом, а пограничны давно села Липовец і Черемха доцяп пропали… …Коли чую про Липовец, одраз приходит мі на мысель Богдан Ігор Антонич. Чом? Бо як раз ту, а не в Новици, де Богдан лем встиг ся поколысати в колысці, миняли дітячы рокы Антонича. Гев літали його музы, ту выросло насіня його вершів, якы пак ся родили в Саноку, во Львові і всядиль, де творил. Зато вартат дашто повісти і про Антонича…
