Ц08:Е330
70% #330 - Кляра Романовска (з д. Логаза) з Розтокы Великой (1 част)
Опис епізоду
Давны мешканці Лемковины міцно были звязаны з природом – вшыткы давны віруваня, культы, традициі, ачый і забобоны свідчат о тім звязку. Єдна з його прикмет – шыроке застосуваня дарів карпатской флоры до прикрашаня себе, корів і кони, свого жытла, загороды в залежности од контексту – поры рока, конкретного свята, ситуациі, а тіж ролі, яку мала бы полнити якыса оздоба. Є, тото, што днес выглядат як цікавый декор, мало колиси і інчу роль: притягати дашто добре, одстрашати вшытко зле, додавати мочы ци сексуальности, мудрости ци здоровя. Якы з тых традиций были іщы жывы в трідцетых-сороковых роках ХХ віку? О тім бесідуєме з Кларом Романовском (з дому – Логаза) з Розтокы Великой.
