Є, кут виджыня часто барз залежыт од місця сіджыня. Кєд сідите в тракторі, робите на колгоспным поли ци на стільци коло конвеєра на заводі, то видите свою участ в лемківскым хорі зо свойой позициі… Товды хор то можливіст пребывати в тым рідным, близкым, своім, бодай в пісни ся вернути в рідне село, наприклад, в Тыляву… По інчому выглядат хор Лемковина, кєд сідите в выгідным креслі в высокым ґабінеті ци то во Львові, ци в Кыйові – бо єст што вказати гостям з далека… І іщы інакше выгядат за вельком млаком тот лемківскій хор, зорґанізуваный коло Львова, в селі Рудно, коли, наприклад, чытате о ним в ґазеті «Карпатская Русь»…
