Пренос Божеской Літургіі з церкви Воздвижыня Честного Креста в Рудній
Опис епізоду
Православна парохія в Рудній была основана як єдна з першых на західніх землях, хоц офіцияльно аж пят років по акциі «Вісла». Вірны заняли єден з найстаршых храмів в oколиці з характеристичном вежом з зыґаром.
Офіцияльно православну парохію Возвиджыня Честного Креста основано в 1952 р. Вірныма од початку были выселены Русины. Были то жытелі такых сел як Боґуша, Чарна, Королева Руска, Ганчова, Устя Рускє, Брунары, Лабова ци Ждыня. Парохіяне были розметаны по околичных селах – на Высокій, в Млечу, Ринарціцах, Тошовицях, Юговицях, Ґвізданові, Малых і Велькых Ґавронах, Клішові, Бродловицях, Байкові, Хобєні і інчых.
