Перед тым, як ся став світознамым умелцьом робив і рекламного ілустратора. А і кідь ся вже став славным і міг жыти лем зо своїх образів, зістав близко музичной сцены, з котров мав контакты уж на зачатку 50-ых років, кідь зробив першы пропозіції на обкладкы музичных албумів. І так выникли різны приятельства з the Velvet Underground, the Rolling Stones і далшыма музикантами. Но вдяка тому пак Варгол зробив много обкладок албумів, котры ся стали култовыма уж лем про тото, же до них свій вклад дав як раз він. Днешній Ґрамофон має назву Абсолут Варгол і будеме в нім слухати музику з албумів, котрых ґрафіку зробив славный Русин.