Слова, достоменніст, емоциі
Архів
лемківского радия
О культурі, людях і місцях Лемковины.
Подкасты, бесіды, спомины, музика.
Гіст в ЛЕМ.ФМ #62 - Реґіна Паздур і Мацєй Кудлацік, Фундация Мемо
Опис епізоду
Што остає з місця, коли зникают люде, якы го памятали? Часом фотоґрафія з описом на задній стороні, зошыт з рецептурами бабы або награный голос. Реґіна Паздур і Мацєй Кудлацік з Фундациі МЕМО од близко десятьох років зберают такы сліды. Занимают ся соспільном архівістиком: нагрывают бесіды, діґітализуют родинны колекциі і глядают властителів знимок.
В авдициі оповідают о архівах Новиці і Прислопа та о новым Діґітальным Соспільным Архіві Ґміны Устя Рускє. Споминают лжычкарство, неґативы Максима Васулі зо Ждыні ци фотоґрафіі Андрия Галущака, котрый бусом приіхали до Польщы з Украіны.
Бесідуют о довірю спілбесідників, о тым, што зробити, коли дві особы інакше памятают тоту саму подію, і о темах, о котрых ся долгы рокы молчало. Мают тіж заклик до вшыткых – опишме стары знимкы, нич бракне когоси, хто знат, хто на них є!
