Русины в Сербіі ведут i політичне жытя. Олена Папуґа, котра была найбільше напомічна при реалізациі проґрамів з циклю «Посеред шырокой рівнины», єст послом до Скупштины – сербского сойму – з Ліґы Социяльдемократів Войводины. Окрем того, єст тіж діячком русиньского самоуряду – Совіту Руснаків. Совіт, то єст рада, є сопоставленый з выбраных цілом руснацком громадом в Сербіі репрезентацийом ріжных політичных опций, часто і такых, якы не согласят з еманципацийныма стремлінями Руснаків.
