Цілю сотворіня на Лемковині руху популяризациі правдивых цінности, котрых не імат ся інфляция і не мат до них приступ никотрий з фальсифікаторів валюты і русиньской достоменности, зобовязую ся писати коментарі, котры найчастійше вызвучат в неділю по 21.00 год. за амстердамскым часом. Днес – 13. грудня/децембра 2015 рока – «Ґульдены». Пан Гавриіл Бескід потвердит ясний як сонце факт, што сме єден нарід од Тячева, Ужгорода през Гуменне, Пряшів… гет аж ґу Остурни. Підписано – тот, котрий поглядал і без труду нашол.
