Ци майстры, якы будували церков в Кривій, мали на тото позволіня? І што глядал там же доцент львівского університету? А може мал дашто спільне з тайном продукцийом самогонкы в Конечній? Одповіди уж днес вечером. Друга серия проґраму Щыро доношу, проґраму, в котрым презентуваны сут ориґінальны поліцийны рапорты з постерунків, розсіяных по Лемковині. Акция розгрыват ся в меджевоєнным часі. Ци тепер ся дакус ріжниме? Ци меньше на ся доносиме? Меньше комбінуєме? А може лем обставины інчы, а мы докладні такы самы…?
