На закінчыня того рока та другой сериі проґраму з циклю Шыро доношу почуєте, як мож завинити гандлюючы кошыками, такыма нормальныма - з лозины, ци гандлюючы шклом і направляньом выглядів. Здавало бы ся, же неє ґу чому ся чыпити? Але… А што кому шкодили коні, пасучы ся при дорозі? Но, в Кривій мали проблем. Друга серия проґраму Щыро доношу, проґраму, в котрым презентуваны сут ориґінальны поліцийны рапорты з постерунків, розсіяных по Лемковині. Акция розгрыват ся в меджевоєнным часі. Ци тепер ся дакус ріжниме? Ци меньше на ся доносиме? Меньше комбінуєме? А може лем обставины інчы, а мы – докладні такы самы…?
