Ци мож продавати пиво і вино а товары ріжны уж ніт? Хто кого побил і ци поліциянт лишыл Циґанку, бо тота была бременна, ци дашто інче носила? Одповіди на вшыткы звіданя днес вечером. Друга серия проґраму Щыро доношу, проґраму в котрым презентуваны сут ориґінальны поліцийны рапорты з постерунків, розсіяных на Лемковині. Акция розгрыват ся в меджевоєнным часі. Ци тепер ся дакус ріжниме? Ци меньше на ся доносиме? Меньше комбінуєме? А може лем обставины інчы, а мы докладні такы самы…? Преконай ся в остатню середу місяця о 20.00 год в радию ЛЕМ.фм – Щыро доношу.
