«Щыро доношу. Судиме ся!» – Зневага священника, Крампна, ч. 3. Проґрам операт ся на правдивых істориях, якы тыкали лемківской соспільности. Четверта серия занимат ся выміром справедливости. Є про тото, чым актуальні люблят занимати ся денекотры Лемкы, а по правді то Лемкыні, а так властиві то єдна Лемкыня – суджыньом ся. Сут то головні обычайовы справы, часом назначены кримінальныма приметами, якы вказуют реляциі і односины в лемківскым соспільстві в передвоєнным періоді.