Неділя мытаря і фарисея – перша з 4 неділь, приготовлюючых нас до Святого Великого Посту. На прикладі мытаря і фарисея вказує нам великіст смиренности, покоры, а руйнуючу силу пыхы, гордости, хоц бы дахто мал за собом і великы діла. Фарисей подібний до гладкого, рівного дерева, але згнитого внутрі, а мытар – хоц покрученого, нерівного – в середині здорового. Вытягнийме і мы хосен од обыдвох, наслідуйме фарисея в добрых ділах, але не в його гордости, а мытаря в смиренности, а не в способі жытя.